Орхон аймгийн Хүүхдийн төлөө зөвлөл шинээр үүсгэн байгуулагдснаасаа хойш анхдугаар хуралдаанаа хийж, Хүүхдийн төлөө зөвлөлийн дүрэм, зөвлөлийн гишүүдийн ажлын чиг үүргийг хэлэлцэн баталлаа. Мөн зөвлөлийн гишүүдийн саналаар Хүүхдийн төлөө зөвлөлийн бүрэлдэхүүнийг өргөтгөхөөр болсон юм. Хүүхэд хамгаалалд салбар хоорондын уялдааг сайжруулах, чиг үүргийнхээ дагуу үйл ажиллагаагаа хариуцлагажуулан явуулах, шинээр батлагдсан Гэр бүлийн хүчирхийллийн эсрэг хуулийн хэрэгжилтийг хангах, Гэр бүлийн хүчирхийлэлд өртсөн хүүхдийг тусгайлсан хамгаалах байртай болох гээд олон чухал асуудал энэ хуралдааны үеэр хөндөгдөж, зохих түвшинд шийдлээ олж эхэллээ.