Жил бүрийн 11 сарын 25-наас 12 сарын 10-нд Жендэрт суурилсан хүчирхийлэлтэй тэмцэх 16 хоногийн аяныг зохион байгуулдаг. Энэ аяны хүрээнд “Ойлгоё хүндэлье” уриатай “Цагаан тууз” хөдөлгөөнийг өрнүүлээд байна. Цагаан тууз зүүх нь хүүхэд, эмэгтэйчүүдийн эсрэг үйлдэгдэж буй хүчирхийллийн дэргэдүүр дуугүй өнгөрөхгүй, хэзээ ч хүчирхийлэл үйлдэхгүй гэсэн амлалтыг өгч буйн илэрхийлэл юм. Жендэрт суурилсан хүчирхийлэлтэй тэмцэх 16 хоногийн аяны өнөөдрийн “Цагаан тууз” хөдөлгөөнд Аймгийн удирдлагууд, салбар салбарын мэргэжилтэнгүүд нэгдлээ.