“Жендэрт суурилсан хүчирхийлэлтэй тэмцэх 16 өдрийн аян нь жендэрт суурилсан хүчирхийллээс урьдчилан сэргийлэх чиглэлээрх олон нийтийн ойлголт мэдлэгийг дээшлүүлэх, таслан зогсооход олон нийтийг татан оролцуулах зорилго бүхий жил бүр зохион байгуулагддаг олон улсын санаачлага юм. Энэ жилийн  хувьд энэхүү аяныг “ОйлГОЁ ХҮНдэлье” уриан доор зохион байгуулж байгаа бөгөөд жендэрт суурилсан хүчирхийлэл, ялангуяа гэр бүлийн хүчирхийллээс урьдчилан сэргийлэхийн тулд эрүүл харилцааг эрхэмлэхийг уриалж байна. Аяны хүрээнд олон нийтийн ойлголт мэдлэгийг дээшлүүлэх өргөн хүрээтэй үйл ажиллагааны нэг болох хүчирхийллийн эсрэг уулзалт хэлэлцүүлгийг өнөөдөр /2019.12.02/ зохион байгууллаа. Хэлэлцүүлэгт  Гэр бүл хүүхэд залуучуудын хөгжлийн газар, Цагдаагийн газар, Сургуулийн нийгмийн ажилтны холбоо, Багийн нийгмийн ажилтны холбоо. Эрдэнэт үйлдвэрийн эмэгтэйчүүдийн холбоо, Сайн үйлс төв, БОЭТ, Эрдэнэт Сороптимист клуб, бусад төрийн бус байгууллагын төлөөллүүд оролцлоо.