Орхон аймгийн  Засаг даргын тамгын газар, Гэр бүл хүүхэд залуучуудын хөгжлийн газар, Цагдаагийн газар, Хөдөлмөр халамжийн үйлчилгээний газар, Мэргэжлийн хяналтын газар хамтран  “Хүүхдийн тэвчишгүй хөдөлмөрийг устгах нь” сэдэвт 3 сарын аяныг зохион байгуулж байна. Аяны хүрээнд Хөдөлмөрийн сайдын 2016 оны 2 сарын 8-ны өдрийн А/36 тушаал гарч, насанд хүрээгүй хүүхдүүд эрхлэх хориотой 11  чиглэл бүхий 79 ажлын жагсаалтыг олон нийтэд сурталчлан таниулах ажлыг хийж байна. Мөн хүүхдийн хөдөлмөрийн тандалт судалгааг хийж, авто угаалгын газар, хүнс барааны захууд, модны зах, техникийн зах, баригдаж байгаа барилгууд, хогийн цэг, мал нядалгааны газар, Таван эрдэнэ зах, Есөн-эрдэнэ зах, Хүлэг зах, Ачит төв зэрэг газруудаар хамтарсан хяналтыг хийгээд байна.