ШИЛДЭГ БАГИЙН ЗАЛУУЧУУДЫН САЛБАР ЗӨВЛӨЛ ШАЛГАРУУЛАХ ҮЙЛ АЖИЛЛАГАА БОЛЛОО

Орхон аймгийн Засаг даргын тамгын газар, Гэр бүл хүүхэд залуучуудын хөгжлийн газар, Залуучуудын ордон, Баян-өндөр сум хамтран залуучуудын бодит оролцоог нэмэгдүүлэх, амжилт бүтээлийг нь сурталчлан таниулах, алдаршуулах, хамтын ажиллагааг сайжруулах, дэмжих зорилгоор шилдэг салбар зөвлөл шалгаруулах ёслол хүндэтгэлийн арга хэмжээг зохион байгууллаа.

Залуусын үзэл бодол, бүтээлч санал санаачлагыг дэмжиж, залуучуудын бодит оролцоог нэмэгдүүлж бусдыгаа манлайлан ажилласан залуучуудын салбар зөвлөлөөр Хүрэнбулаг, Яргуйт, Согоот багийн Залуучуудын зөвлөл шалгарлаа.

Үйл ажиллагааны хаалтын үеэр сугалааны азтангуудыг тодруулж, эрчит тэмүүлэл төрийн бус байгууллагын морин хуурын дугуйлангийн хүүхдүүд морин хуурын ая өргөж, Open mic клубын залуу дуучин Н.Тойлат, залуучуудын ордны техникч Т.Өсөхбаяр ая дууны мэндчилгээ дэвшүүллээ.