info@child.or.gov.mn      (+976) 70350136

Танилцуулга

ТАНИЛЦУУЛГА

Булган хангайн нутагт “Эрдэнэтийн овоо” хэмээх газар эрдэнэс нээгдэж,1968-аад оноос геологийн хайгуулын ажил эхэлж, геолигийн  жижигхэн тосгон байсан энэ газар шинэ залуу Эрдэнэт хот баригдан хүн ард цуглаж, зууны манлай бүтээн байгуулалт эхэлсэн билээ.

1974 оны 9-р сарын 01-нд анхны 8 жилийн сургууль байгуулагдаж, 248 пионерийн гишүүнтэй бүлгийн зөвлөл үйл ажиллагаа явуулж эхэлснээр Зууны манлай Эрдэнэт хотод Хүүхдийн анхны байгууллагын гал голомт үүссэн түүхтэй. Ийнхүү эх орны өнцөг булан бүрээс цугларсан олон аавын хүү, ээжийн охид хүүхдийн байгууллагыг бий болгосон түүх өнөөдөр ч үргэлжилсээр байна.

         Засгийн газрын 1991 оны 205 дугаар тогтоол, ХТҮГ-ын даргын 02 тоот тушаалыг үндэслэн Эрдэнэт хотын АДХГЗ-ны 1991 оны 148-р тогтоолоор тус хотын хэмжээнд хүүхдийн талаар авч явуулах бодлого боловсруулах, хэрэгжүүлэх ажлыг холбогдох байгууллагатай хамтран зохион байгуулж зохицуулах, хүүхдийн олон нийтийн үүсгэл санаачлагын байгууллагыг удирдлагаар хангах, тэдний чөлөөт цагийг зөв зохистой өнгөрүүлэх ажлыг зохион байгуулах зорилгоор хотын хүүхдийн байгууллагын зөвлөлийг “Хүүхдийн төлөө төв” болгон өөрчлөн байгуулжээ.  

        Түүнээс хойш Монгол улсын Засаг захиргаа нутаг дэвсгэрийн нэгж түүний удирдлагын тухай хуулийн 70 дугаар зүйлийн 30.1.10, Засгийн газрын 2008 оны 67 дугаар тогтоолыг үндэслэн аймгийн Засаг даргын 2009 оны 79 тоот захирамжаар       “ Хүүхдийн төлөө хэлтэс ” болгон, Засгийн газрын 2007 оны 354, 2012 оны “Аймаг, нийслэлийн Засаг даргын харъяа зарим агентлагийн тухай” 32 дугаар тогтоолоор  2013 оны 01-р сарын 28 –нд  ‘’Хүүхэд гэр бүлийн хөгжлийн хэлтэс’’ болгон өөрчилснөөр хүүхдийн байгууллагын чиг үүрэг, бүтэц зохион байгуулалт өргөжсөн билээ.

 
АЛСЫН ХАРАА


        Хүүхэд, гэр бүлийн тэгш хамгаалал, оролцоог хангах замаар  хөгжлийн суурь хүчин болохуйц  гэр бүл,  хүмүүнжин хөгжсөн эрүүл хүүхэд  бүрийг төлөвшүүлэхийн  төлөө

 

ЭРХЭМ ЗОРИЛГО

         Хүүхэд, гэр бүлийн тэгш оролцоог хангаж, нийгмийн хөгжлийн таатай орчинг бүрдүүлэн, тэдэнд чиглэсэн хөгжил, хамгааллын цогц үйлчилгээг чадварлаг баг, түншлэл, мэдээлэл, нөлөөллийн хамтын ажиллагаанд тулгуурлан, чанартай, шуурхай, хүртээмжтэй хүргэх

 

 ҮНЭТ ЗҮЙЛС

-       Хамгаалагдсан, хөгжсөн хүүхэд

-       Хүүхэд, гэр бүлийн эрх ашиг

-       Хүүхэд, гэр бүлийн тэгш оролцоо

-       Ёс зүйтэй, хариуцлагатай, чадварлаг боловсон хүчин

-       Чанартай, шуурхай, сэтгэлтэй үйлчилгээ

-       Түншлэл, хамтын ажиллагаа

  Байршил
  Холбоо барих
  Гэр бүл, хүүхэд, залуучуудын хөгжлийн газар

Орхон аймаг, Баян-Өндөр сум, Цагаанчулуут баг, Хүүхдийн ордон

Утас : (+976) 70350136
И-мэйл : info@child.or.gov.mn
Цагийн хуваарь : 08:00 - 12:00, 14:00 - 18:00