ХҮҮХДИЙН “ЯНЗАГА” ЗУСЛАН

Янзага зуслангийн барилга байгууламж нь 1975 онд Эрдэнэт хотыг  байгуулж эхлэх үеээс   үүдэлтэй. Анх Зөвлөлтийн цэргийн анги байрлах зориулалтаар баригдаж Сэлэнгэ мөрнөөс Эрдэнэт хүртэлх усан хоолой барих ажлыг гүйцэтгэж байгаад уг барилгын ажил дуусахад Орос ажилчдын хүүхэд багачуудыг амраах зорилго бүхий  “ММС” нэртэй  зуслан болгосон түүхтэй.

1991 онд Оросын тал Монголын  талд буюу Эрдэнэт хотын Үйлдвэрчний эвлэлийн хороонд зусланг  хүлээлгэн өгсөн.
       Энэ үеэс зуслан нь  Хүүхдийн төлөө төвийн дэргэдэх болж  улирлын чанартай  үйл ажиллагаа  явуулж эхэлсэн.1991 - 2002 он хүртэл  “Долгион “, 2002 оноос өнөөг хүртэл “ Янзага”  нэртэйгээр үйл ажиллагаагаа явуулж байна.  
 “Янзага “ зуслан нь 1 ээлжиндээ 100-120 хүүхэд хүлээн авах хүчин чадалтай , боловсон угаалтуур, бие засах газартай, 100-120 хүүхэд хооллох  хоолны залтай, 24 цагийн цахилгаан хангамжтай, 6*19 метрийн хэмжээтэй усан бассейн, зуслангийн усан хангамжийг хангасан гүний худагтай, хүүхдийн чөлөөт цаг өнгөрүүлэх сагсан бөмбөг, волейбол, хөл бөмбөг, теннис, бүжгийн талбайтайгаар үйл ажиллагаагаа явуулж байна