‘’ҮҮРГЭЭ УХАМСАРЛАЖ ОРОЛЦООГОО БОДИТ БОЛГОЁ’’ уриатайгаар аймгийн хүүхдийн ХХ чуулган 3 сарын 13-ны өдөр зохион байгууллагдлаа. Чуулганд Орхон аймгийн засаг даргын орлогч дарга А.Түвшинжаргал, БСУГ-ын дарга Ж.Бат Амгалан, ДЗМОУБ-ын тэргүүн Ц.Ганзориг хүрэлцэн ирж, ГБХЗХГ-ын мэргэжилтэнгүүд чуулганы үйл ажиллагаанд амжилт хүсэн баяр хүргэлээ. Уг чуулган нь хүүхдийн өмнө тулгамдаж байгаа бэрхшээлтэй асуудлыг хэлэлцэж, эрдэнэт хотын хүүхдүүдийн эрхэмлэн дээдлэх, үнэт зүйлийг тодорхойлох, оролцооны байгууллагын гишүүдийн манлайллыг нэмэгдүүлэхэд чиглэгдсэн бөгөөд баг бүрийн чуулганаас сонгогдсон 6 төлөөлөгч, хүүхдийн 21 элч, хүүхдийн оролцооны нэгдсэн төвийн гишүүн 20, нийтдээ 160 гаруй төлөөлөгчдийг хамрууллаа. Хүүхдийн чуулган дуу хуурын мэндчилгээ болон салбар хэлэлцүүллэгээр үргэлжлэн явагдлаа.